Nov-tipa AIS-konferenco en Pollando
Gazetara komuniko de AIS San-Marino, 1997-05-06
---------------------------------------------------------------------
Akademio Internacia de la Sciencoj AAA II SSS San-Marino
AAAA II SSSS
Gazetara Komuniko AA AA II SS 1997-05-06
AA AA II SSSSSS
AAAAAAA II SS
AA AA II SSSSSSSS
---------------------------------------------------------------------
Nov-tipa AIS-konferenco en Pollando
=====================================
Inter 1997-04-26 kaj 1997-05-04, la Akademio Internacis de la Sciencoj
(AIS) San-Marino kaj la Internacia Studumo pri Turismo kaj Kulturo
povis okazigi sian unuan komunan studkonferencon, en Bydgoszcz (PL).
Gxi estis la unua arangxo de nova tipo, nomata BUS (Bakalauxriga
Universitata Sesio), kiu permesas okazigi finekzamenojn nur gxis la
bakalauxreca nivelo, sed aliflanke ne postulas la organizan
kompleksecon de la normalaj AIS-konferencoj (SUS). AIS kreis tiun
tipon pro la kreskanta intereso je AIS-ekzamenoj. Al la ekzameno en
Bydgoszcz sin prezentis dek kandidatoj, studentoj de la Studumo pri
Turismo kaj Kulturo.
La Studumo estis agnoskita kiel "klerigejo de AIS" en 1996. Kondicxo
por tio estis la okazigo de Esperanto-kursoj por cxiuj studentoj, cxar
la finaj ekzamenoj de AIS okazas en la internacia lingvo.
AIS atentigas, ke gxiaj konferencoj estas malfermaj ne nur por
studentoj, sed por cxiu interesulo kiu volas foje "flari universitatan
etoson" en Esperanto. La sekva konferenco, SUS 18, okazos en la itala
Rimini, de la 31-a de auxgusto gxis la 5-a de septembro. Aligxilojn
sendas kaj aligxojn akceptas la Senata Sekretario,
ADoc. Joanna Lewoc
Karl-Schwarzschild-Weg 6/317
DE-37077 Goettingen
Germanio
Aligxilo trovigxas ankaux en la komputila Interreto, cxe
http://www.forst.uni-muenchen.de/OTHERS/AIS/arangxoj/aligx18.html
---------------------------------------------------------------------
Informofico de AIS, Reinhard Foessmeier
TTT: http://www.forst.uni-muenchen.de/OTHERS/AIS/
---------------------------------------------------------------------